Monday, 22 July 2013

Umaga

Naririnig niya ang kalampag ng takip ng kaldero. Kailangan na niyang maligo’t kanina pa nasasayang ang gas sa kanina pang kumukulong kaldero ng tubig.

Kakamutin niya ang ulo, at titingin sa bintana. Pipikit saglit tsaka hihilahin ang katawan. Ilang beses na syang nagigising ng alas-kuwatro ng madaling-araw, magpapakulo ng tubig panligo, matutulog at magigising ng alas-sais.

Titingin sa kesame. Inalis ang muta. Pagkahila ng kumot, nahulog sa sahig ang libro ng mga tula ni Pablo Neruda.

Paminsan-minsan may dumadalaw na kalungkutan sa kanyang pagtulog. At mamaya siguradong mapait na naman ang kapeng kanyang hihigupin.

Tumingin ulit sya sa bintana. Napansin niyang maulap lagi ang umaga simula noong gumigising na siyang mag-isa. ### 
Posted by at

7 comments:

  1. Mr. Tripster23 July 2013 at 13:53

    .....parang may malalim na balon na hinukay sa dibdib ko.

    All of a sudden, na miss ko ang sex.

    ReplyDelete
  2. Mr. Tripster23 July 2013 at 13:53

    Oo nga pala. Virgin pa pala ako. hahahaha!

    ReplyDelete
    Replies
    1. luliesc24 July 2013 at 02:32

      HAHAHA! San ka virgin ser? Joke lang.

      Itong paggising sa maulap na umaga ay pangkaraniwang lungkot lamang. Ibang usapin 'yung sex deprivation (lahat yata tayo? joke lang).

      At iba rin yung tuluyang kang hiniwalayan ngunit hindi ka nasasanay, araw-araw.

      Delete
  3. Babae Pala si Satanas23 July 2013 at 23:00

    Pablo Neruda. Ang sarap pang-agahan ng mga tula niya, maliban na lamang kung ayaw mong simulan ang araw mo na solemn ang peg.

    At oo, nagsimula ngang maging maulap ang langit nang napansin ko ding di na ako magigising katabi niya.

    Charot.

    ReplyDelete
    Replies
    1. luliesc24 July 2013 at 02:33

      Matagal ko nang hindi nababasa si Neruda. Hehe

      Naalala ko lang siya at naisulat. Para rin kasi siyang sugat, mahapdi kapag nadadampi, parang kalungkutan.

      Delete
  4. KULAPITOT27 July 2013 at 19:19

    Malalim at may pinagdadaanan , hindi k nag iisa noh tse! Haha

    ReplyDelete

Subscribe to: Post Comments (Atom)