Saturday 1 June 2013

Sulat I






























X,

Nakita ko na yung picture niyo. Sabi ko sa kaibigan ko naka-move on na ako. Pangatlong shot 'yun ng vodka. Sabi ko, wala nang dahilan para hindi umusad sa buhay. Masaya ka naman. Masaya ako kapag masaya ka. Tangina mo John Lloyd Cruz. 

Masaya naman ako talaga. Tuwing alas-sais nga, pagkatapos ng trabaho, pumupunta ako sa tambayan nating cafe tapos magbabasa ng mga tula ni Pablo Neruda. Sinong matinong tao ang gagawa noon? Gago. 

Masaya naman talaga ako. Paminsan-minsan, nagpapadala lang ako sa mga kalungkutan. Hindi lang naman tungkol sa iyo. Tungkol sa trabaho, tungkol sa sweldo, tungkol sa alak, at sa trapik. Pero alam mo, kapag nalulungkot ako sa mga bagay-bagay, naaalala kita. Ikaw yata ang diyos ng kalungkutan at hindi mo nakalilimutang dalawin ako lagi, madalas. 

Isinusulat ko ito dahil nalulungkot ako. At tuwing binabalik-balikan ko ang mga larawan natin noong huli tayong nagkita, kung saan ginawa mong malinaw na nasa point A ako at ikaw ay nasa point B, gumagaan naman lahat. Isang shot lang ito. Tumigil na kasi akong manigarilyo. Nasa proseso pala.

Kapag nararamdaman ko nang nalulunod na ako sa sarili kong kalungkutan, naaalala kita. Inililigtas mo lagi ako sa sarili kong kalungkutan.

Lilipas din ito katulad ng lahat ng mapait na nangyari sa atin. 


May matamis ding alaala ang lahat. Hindi ko lang nalalasahan ng lubos ngayon. 

-E

### 

12 comments:

  1. Cigarette smoking is dangerous to your health :)

    That's very good na sinusubukan mo nang iwaksi ang paninigarilyo. Naku gastos lang yan, magkakasakit ka pa sa baga.

    ReplyDelete
    Replies
    1. Tama ser! Tipid talaga :)

      Delete
    2. Teka, ang yabang niyo ah. Pero fairness, nakakabutas nga siya ng bulsa. Hahahaha!

      Delete
    3. Actually, nagyoyosi pa rin ako paminsan-minsan pero hindi na ako bumilbili ng pack. Hingi ganyan. Hindi na rin ako nagdadala ng lighter. At bumili ako nung e-cigarette/ vape. Ipanalangin nating tuloy-tuloy na ito. hahahah

      Delete
    4. Ewk, may pambobola akong ginawa na sumabit ang pangalan mo. Kailangan mo akong ilibre ng trip to Sagada, o kaya tatlong pack ng yosi nalang para medyo di masakit sa bangs. Hahahaha!

      Delete
    5. Anong sumabit ang pangalan! tara let's Sagada ourselbs :) pero mas madali yung libre ng yosi. haha

      Delete
  2. Replies
    1. Grabe naman! hahaha Hindi naman lagi. Kahapon lang. Haha

      Delete
  3. Nasabit ang ngalangala ko sa huli mong pangungusap.

    ReplyDelete
  4. ay smoke pala naaalala mo. hehehe

    ReplyDelete